Suliniut CREATeS Nunat Avannarliit Siunnersuisoqatigiivisa ataani Sustainable Development Working Group-imi (SDWG-imi) suliniutaavoq. Suliniummi nunani Issittoqarfinni imminut toquttut amerlassusiisa qaffasinnerujussuisa aamma tarnikkut ajornartorsiutit akiorniarneqarnerat suliarineqarpoq. Suliniummi naalagaaffinni issittoqarfinni inuusuttut amerlanerusut oqaloqataatinneqarput. Inuusuttut aamma sumiiffinni inuiaqatigiit timikkut tarnikkullu ilorrisimaarnerisa pitsaanerulersinnissaannut inuusuttut misilittagaat aamma isumassarsiaat iliuuseqarnissamut pingaarutilimmik periarfissaqalersitsissapput.
Siunertaq
Suliniummi CREATeS-imi siunertarineqartoq tassaavoq, SDWG-imit naalagaaffinni issittoqarfinni imminut toqunnissamik pitsaaliuinerup aamma eqqarsartaatsikkut peqqissutsip pitsaasuunissaanik sulineq tapersersorniarlugu inuiaqatigiit peqataanissaannik aamma ilisimasanik ingerlatitseqqittarnissamut periarfissanik aamma periutsinik pilersitsinissaq. Suliniummi aammattaaq siunertarineqarpoq, nunani issittoqarfinni atassuteqarfiup, Nunat Avannarliit Siunersuisoqatigiivi aqqutigalugit pilersinneqarsimasup, attatiinnarneqarnissaa, taamaalilluni suleqatigiinneq ingerlaannarsinnaaniassammat, aamma imminut toqunnissamik pitsaaliuinerup iluani periutsit pitsaanerpaat ingerlateqqinneqartarsinnaaniassammata. Tamatuma saniatigut nunani issittoqarfinni atassuteqarfik inuiaqatigiinnit aamma inuusuttunit arlaqarnerusunit peqataatitaqarfiusumik annertusineqassaaq.
Periuseq
Nunap inoqqaavisa inuusuttortai Issittumi tamarmeersut peqatigiillutik digitali atorlugu oqaluttuanik pinngorartitsiniarlutik sammisaqartitsinernut arlalinnut peqataanikuupput, tamannalu inuusuttut isiginninnerannik aamma iliuuseqarnissamut isumassarsiaannik paasisaqarfiginissaannut periarfissaqalersitsivoq. Oqaluttuat suliniutip nittartagaani nassaarineqarsinnaapput:
Nalunaarusiamut linki suliniutip nittartagaani nassaarineqarsinnaavoq.
Suliniutip ingerlanneqarfissaatut piffissaliussaq
2018-2023
Suleqatigineqarsimasinnaasut
The Inuit Circumpolar Council (ICC)
Aleut International Association (AIA)
Arctic Athabaskan Council (AAC)
Gwich'in Council International (GCI)
Saami Council (SC)
Russian Association of Indigenous Peoples of the North (RAIPON)